الأربعاء، 7 أبريل 2010

مشـاوير

~
مقــادير .. يا قلب الــعنـا .. مقاديــر
و تمضي حيــاتي ..
مشــاوير .. و أتمنى الـهنــا ...
~

أهلاً بكم من جــديد
(:

بقولكم عن يومي أمس .. أو تحديداً تاريخ 5 -4
الله يسلمكم ... العصر كان الوقت و الظروف في المنزل مناسبة فاقترحت على الوالدة نروح معرض - شبابنا أولى - في الراية
و بما اني هالايام .. و تحديداً من سنة لا انتبه غالباً للتواريخ و الأيام . فا رحت و آنا مادري إن التاريخ كان 5-4
و إن آخــر يوم للمعرض كان 4-4 loool .. مادري ليش ضحكت على نفسي ..
حسيت اني خارج الزمن :9

المهم .. قررت اكافئ نفسي بـ شراب دافي لذيذ ، ساقتني قدماي لـ كاريبو كافيـه
و بما إنها أول مرة ازوره .. فكرت و سألت الموظفة عن اقتراحاتها .. و آخـر شي قررت يكون اختياري شي كلاسيك
و طلبت Hot chocolate بدون قهـوة .. و حقيقة كان لذيذ جداُ ! أنصحكم فيه حقيقةً ..
لأني حسيت ان اهو اللي منح يومي طاقة يديدة بعد الكسـرة اللي تعرضت لها :9


و بعد ساعات . من نفـس اليـوم ..
كنت في فيرجن .. و اشتريت رواية يديدة لــ الأديب وليد الرجيب اسمها ( أما بعد ..) عن اليهود اللي كانوا في الكويت
مع اني عاهدت نفسي مراراً أن امتنع عن شراء الكتب إلى أن انتهي من الطابور الطويل اللي عندي ! بس في بعض الكتب لازم الواحد يقتنيها في وقتها .. قبل لا تنفد الطبعات ..

بعدين كملت طريقي للداخل .. فــ ماذا وجدت !! @@
كتاااابي أخيراااً و بعـد أكثر من سنة على إصداره يدخل في التوب 10 ..
D:

حقيقةً ما همتني الفتـرة .. لأن ردود الفعل اللي قابلتها في معرض 2009 اي بعد سنة على اصداره

كانت أهم ردود الفعل على الإطلاق .. الكتاب في الكويت يحتاج إلى وقــت .. حتى يأخذ مكانته و يتردد صداه بالشكل الصحيح
برغم تطور الإهتمام .. و ازدياد عدد المحبين للقراءة .. و لكن ما زال المستوى متواضعاً
فا فعلاً الموضوع محتاج وقت..

و آنا سعـــدت جداً بهذه الصدفة .. لأني لا أزور فيرجن كثيراً
فا كانت أحلى مفاجأة من " مولودي الأول " كما سميته يوم استلمته من المطبعة (:



و إنتهى يومي .. و مشـاويري ..
(:
تحياتي لكم

هناك 8 تعليقات:

الزين يقول...

مبرووووك
ونستاهلين
:*

وشوقني الهوت تشوكليت

Cesc يقول...

مبروك تستاهلين كل خير ,
وان شاءالله يعطيج دافع لنا ..

Cesc يقول...

مبروك تستاهلين كل خير ,
وان شاءالله يعطيج دافع لنا ..

شاي الضحى يقول...

توني ادري ان عندج كتاب ههههههه

لازم اشتريه واقراه


ومبروووووووووك :)


وكاريبو مكاني المفضل


عليج بالعافيه

@alhaidar يقول...

بالعافية ..

وألف مبروك .. حقيقة تستاهلين .. منها لأعلى :)

Engineer A يقول...

بالعافية الطلعة واليوم الجميل :)

وبالنسبة لكتابج انا قلت لج رأيي من قبل و أكرره انتي مبدعة ومتألقة ولديج الامكانيات .. وتستاهلين كل خير :)

7osen يقول...

تستاهلين سارة

صراحة انا قريت كتابج وكان وايد مميز

فيه نفس ادبي وقدرة كتابية تشي بكاتبة محترفة .. فقط أستمري بالكتابة واستفيدي من تجارب الاخرين

بالتوفيق إن شاءالله

قارئه فـ حسب,, يقول...

بالعافية سارونة

و ما شاء الله منها للاعلى يارب,,